sahel app in kuwait;കുവൈറ്റിലെ സഹൽ ആപ്പ് ഉപയോഗിച്ച് ഇനി ട്രാഫിക് പിഴകൾ എളുപ്പത്തിൽ അടയ്ക്കാം
sahel app in kuwait; കുവൈറ്റ് സിറ്റി: കുവൈറ്റ് സര്‍ക്കാരിന്റെ ഔദ്യോഗിക ഓണ്‍ലൈന്‍ പ്ലാറ്റ്‌ഫോമായ സഹല്‍ ആപ്പ് വഴി കുവൈറ്റിലെ താമസക്കാര്‍ക്ക് ഇനി മുതല്‍ ട്രാഫിക് പിഴകള്‍ എളുപ്പത്തില്‍ അടയ്ക്കാം. ഇതുമായി ബന്ധപ്പെട്ട നടപടിക്രമങ്ങള്‍ കാര്യക്ഷമമാക്കിയതായി ആഭ്യന്തര മന്ത്രാലയം അറിയിച്ചു. ഏതാനും മിനിറ്റുകള്‍ക്കുള്ളില്‍ ട്രാഫിക് ലംഘനങ്ങള്‍ പരിശോധിക്കുന്നതിനും പിഴയുണ്ടെങ്കില്‍ അത് അടയ്ക്കുന്നതിനും സഹല്‍ ആപ്പില്‍ ഇപ്പോള്‍ സൗകര്യം ലഭ്യമാണ്.
കുവൈറ്റിലെ വാർത്തകളും വിശേഷങ്ങളും അറിയാന്‍ വാട്സ്ആപ്പ് ലിങ്കില്‍ ക്ലിക്ക് ചെയ്യുക
https://chat.whatsapp.com/GgpU4TtfA5aENkwmkSH3C6
മൊബൈലില്‍ സഹല്‍ ആപ്പ് ഡൗണ്‍ലോഡ് ചെയ്ത് തുറക്കുക. ഇതുവരെ രജിസ്റ്റര്‍ ചെയ്തിട്ടില്ലെങ്കില്‍, ഒരു അക്കൗണ്ട് സൃഷ്ടിക്കാനുള്ള നിര്‍ദേശങ്ങള്‍ പാലിക്കുക. ആവശ്യമായ എല്ലാ വ്യക്തിഗത വിശദാംശങ്ങളോടും കൂടി നിങ്ങളുടെ പ്രൊഫൈല്‍ പൂര്‍ണ്ണമാണെന്ന് ഉറപ്പാക്കിയ ശേഷം അക്കൗണ്ട് നിര്‍മിച്ച് ലോഗിന്‍ ചെയ്യുക. ലോഗിന്‍ ചെയ്തു കഴിഞ്ഞാല്‍, നിങ്ങളുടെ പ്രൊഫൈലിലേക്ക് നാവിഗേറ്റ് ചെയ്ത് ആഭ്യന്തര മന്ത്രാലയം എന്നത് ക്ലിക്ക് ചെയ്യുക. ട്രാഫിക് നിയമ ലംഘനങ്ങള്‍ ഉള്‍പ്പെടെ വിവിധ സര്‍ക്കാര്‍ സേവനങ്ങളിലേക്ക് ഇവിടെ നിന്ന് പ്രവേശനം ലഭിക്കും.
ആഭ്യന്തര മന്ത്രാലയം വിഭാഗത്തില്‍ ട്രാഫിക് ലംഘനങ്ങള്‍ എന്ന ഓപ്ഷന്‍ എടുത്ത് സ്വന്തം പേരില്‍ എന്തെങ്കിലും ട്രാഫിക് ലംഘനങ്ങള്‍ നിലനില്‍ക്കുന്നുണ്ടോയെന്ന് പരിശോധിക്കാന്‍ ഇതില്‍ ക്ലിക്ക് ചെയ്യുക. നിങ്ങളുടെ ട്രാഫിക് ടിക്കറ്റുകളില്‍ കാണാവുന്ന ലംഘന നമ്പര്‍ ഉപയോഗിച്ച് നിങ്ങള്‍ക്ക് ഇത് തെരഞ്ഞ് കണ്ടെത്താനും കഴിയും. നിങ്ങള്‍ക്ക് ഒന്നിലധികം ലംഘനങ്ങള്‍ ഉണ്ടെങ്കില്‍ ഒരേ സമയം ഒന്നിലധികം ടിക്കറ്റുകള്‍ തെരഞ്ഞെടുക്കാന്‍ സഹല്‍ ആപ്പ് നിങ്ങളെ അനുവദിക്കുന്നു. നിങ്ങള്‍ പണമടയ്ക്കാന്‍ ആഗ്രഹിക്കുന്ന ഓരോ ലംഘന നമ്പറിലും ക്ലിക്ക് ചെയ്യുക. ഇങ്ങനെ ഒറ്റയടിക്ക് 20 ടിക്കറ്റുകള്‍ വരെ തെരഞ്ഞെടുത്ത് എല്ലാറ്റിനും കൂടി ഒരു തവണ പെയ്‌മെന്റ് ചെയ്യാന്‍ ഇതുവഴി കഴിയും.
ടിക്കറ്റുകള്‍ തെരഞ്ഞെടുത്ത ശേഷം പേയ്മെന്റ് സ്‌ക്രീനിലേക്ക് പോകുന്നതിനുള്ള ബട്ടന്‍ ക്ലിക്ക് ചെയ്യുക. ഇവിടെ, നിങ്ങളുടെ പേയ്മെന്റ് വിശദാംശങ്ങള്‍ നല്‍കാന്‍ നിങ്ങളോട് ആവശ്യപ്പെടും. സുരക്ഷിതവും എളുപ്പവുമായ പ്രക്രിയ ഉറപ്പാക്കിക്കൊണ്ട് സഹല്‍ വിവിധ പേയ്മെന്റ് ഓപ്ഷനുകള്‍ ഇവിടെ ലഭ്യമാണ്. നിങ്ങളുടെ പേയ്മെന്റ് രീതി തെരഞ്ഞെടുത്ത് വിശദാംശങ്ങള്‍ നല്‍കിക്കഴിഞ്ഞാല്‍, ഇടപാട് അന്തിമമാക്കുക. സ്‌ക്രീനിലും ആപ്പിന്റെ അറിയിപ്പ് വിഭാഗത്തിലും നിങ്ങളുടെ പേയ്മെന്റിന്റെ സ്ഥിരീകരണത്തെ കുറിച്ചുള്ള സന്ദേശം ലഭിക്കും. പേയ്മെന്റ് പൂര്‍ത്തിയാക്കിയ ശേഷം നിങ്ങളുടെ ആപ്പ് അറിയിപ്പുകളില്‍ നിങ്ങള്‍ക്ക് സ്ഥിരീകരണം കാണാന്‍ കഴിയും. നിങ്ങളുടെ പിഴ അടച്ചു എന്നതിന്റെ തെളിവായി ഇത് മതിയാവും.
ട്രാഫിക് ഓഫീസുകള്‍ സന്ദര്‍ശിക്കുകയോ നീണ്ട ക്യൂവില്‍ കാത്തിരിക്കുകയോ ചെയ്യാതെ ട്രാഫിക് പിഴ അടയ്ക്കാന്‍ ഇത് സഹായിക്കും. നിങ്ങളുടെ ഇടപാട് സുരക്ഷിതമാണെന്ന് ഉറപ്പാക്കാന്‍ ആപ്പ് സുരക്ഷിത പേയ്മെന്റ് രീതികള്‍ വാഗ്ദാനം ചെയ്യുന്നുവെന്നതാണ് മറ്റൊരു പ്രത്യേകത.
Comments (0)